From Rodovid KA

[რედაქტირება] 1692 წ. 10.IX. – ზემო ქართლის სარდლობისა და გორის მოურაობის წყალობის წიგნი გიორგი XI-ისა გივი ამილახორისადმი – Hd-2134 – დედანი

ეს სიგელი გიბოძეთ ჩვენ "მეფეთ–მეფემან და ხელმწიფემან პატრონმან გიორგიმ და თანამეცხედრემან ჩვენმან დედოფალთ–დედოფალმან პატრონმან ხვარაშან თქვენ – ჩვენთა ერთგულთა და წესისებრივ მრავალფერათ ნამსახურთა ამილახორს ბატონს გივს, ძმასა თქვენსა ყორჩიბაშს პაატას, ძმისწულთა თქვენთა რევაზს, ბეჟანს, შვილსა თქვენსა ანდუყაფარს, დემეტრეს და მომავალთა სახლისა თქვენისათა.

მას ჟამსა, ოდეს თქვენი ძმისწული ოთია და ავთანდილ გავზარდეთ და გავაკეთეთ და ნიადაგჟამს მწყალობელნი ვიყავით და ბევრი წყალობაცა უყავით, მაგრამე ჩვენგნით სიკეთე და წყალობა არცერთი არ შეიწირა, თურმე ნიადაგჟამს ჩვენი ორგული და მუხანათი იყო, წაგვივიდა და ქართლსა, კახეთს და იმერეთს, სადაც რამ იმისი გავიდა, ჩვენს დასაკლისსა, წახდენასა და ორგულობას ეცადა, თქვენც საფიცარი გატეხა და გიმუხანათა და შვილიან–თავიან თქვენ დატყვევება და დახოცა მოინდომა; და ერეკლე მეფისაგან ერთპირათ თავისთვინ საამილახოროსი სარდლობისა, გორის მოურაობისა საფიცრები აეღო და თქვენი საქართველოდამ ამოღება დაესკვნა.

იპრიანა ღმერთმან და ჩვენ საქართველოში მოვბძანდით და ბედნიერმან ყეენმან გვიბოძა და ჩვენი საბატონო დავიჭირეთ, არაგვის ერისთავი, ქსნის ერისთავი და სულა ქართველნი შუა ჩამოიყენა, კიდევ შევირიგეთ, მამული მიუმატეთ, საფიცარი უბოძეთ და წყალობა უყავით. თურმე ის გვატყუებდა და გვეხერხებოდა და მეორესავ დღეს გვიორგულა და წაგვივიდა.

აწე ჩვენ თქვენთან ეს წყალობა გვიქნია, რომე ერთპირად საამილახორო, ზემო ქართლის სარდლობა, გორის მოურაობა და რასაც ალაგს მამულის მქონებელნი იყვნეთ, უკლებად თქვენთვინ და შვილთა თქვენთათვინ გვიბოძებია. ასრე რომე, არც ჩვენ და არც ჩვენმან სახლისკაცმან ოთიას და მის ძმას ავთანდილს და მათ შვილთ საამილახოროში არც ხელი ჰქონდეს და არც შემოგაცილოთ და არც ყმათ ვინდომოთ, არც საქართველოში დავაყენოთ.

და ვინ იცის, ეგება ასეთი რამ გვმსახუროს, რომე ყმათ ვინდომოთ, არც მამულს, არც სახელოს არ გაცილო, ჩვენ სხვარიგათ დავარჩინოთ. ეს ასრე გაგითაოთ და არა მოგეშალოსთ არა ჩვენგან და არა სხვათა მეპატრონეთაგან...

არიან ამისი დამხდურნი და მოწამენი და ბძანებულისა ამის დამამტკიცებელნი და თანაშემწენი სრულიად ქართლისა ეპისკოპოზნი, დარბაისელი, არაგვის ერისთავი გიორგი, ქსნის ერისთავი დავით, სარდალი თამაზ, ციციშვილი ციცი, მდივანბეგი ბარძიმ, სრულად ერთპირათ ქართველნი.

დაიწერა სიგელი ესე ენკენისთვის 10, ქორონიკონს 380, ხელითა კარისა ჩვენისა მდივანმწიგნობარის თუმანიშვილის გივისითა".

ხელრთვა: გიორგი

ბეჭედი: მონა ღთისა ერისთავი გიორგი

ბეჭედი: დავით ერისთავი

ბეჭედი: ბატონიშვილი სულეიმან

ბეჭედი: მონა ღთისა სარდალი თამაზ

ბეჭედი: ბატონი ციცი

ბეჭედი: მონა ღთისა მდივანბეგი ბარძიმ

ბეჭედი: ორბელიშვილი სულხან