From Rodovid KA

[რედაქტირება] 1703 წ. – საამილახვროს სახლიკაცობის რიგი – Hd-2142 – დედანი

"ქ. ნეფის ნაზარალიხანის ბრძანებითა და მისის კარის კაცების პირობით ბიძაჩვენს, ბატონს კათალიკოზს, ვიახელით ჩვენ – ამილახორი ბატონი ავთანდილ, ჩვენი ბიძაშვილები რევაზ, ანდუყაფარ, ბეჟან და ბარძიმ და ჩვენის სახლიკაცობა ასრე გარიგდა, რომ:

რაც საამილახოროს კაცისაგან და საამილახორო მამული, გლეხი, მიწა თუ ვენახი, რაც ან მამის ჩვენისაგან და ან ჩვენგან ნასყიდი იყოს, ხუთთავ სახლის კაცებს ეს პირობა დაგვიდებია, რომ უნდა სასახლოთ დავდვათ, აღარც ხელახლა ვიყიდოთ.

საამილახოროს მიწა–წყლისაგან რაც გამსყიდველი ალაგს იყოს, თავისი გასყიდული თვითანვე დაიხსნას. თუ აღრილი ან ამოწყვეტილი იყოს, სასახლოთ დაიდვას. თუ პატრონი მოუვიდეს, რაც ფასი აეღოს, ისრევ უნდა მისცეს.

ამ საქმის გარიგებაში დაგვესწრა: სამთავნელი ყანჩელი იოსებ, სხვა ჩვენი აზნაურისშვილები – სახლთუხუცესი ქარუმიძე ზაალ, ჩიკვაიძე დათუნა, ქარუმიძე გარსევან, ყანჩელი ფეშანგი და ქაიხოსრო, ქარუმიძე ზაზა და ოტია, ღაზნელი ღამარ, ქარუმიძე ჯამასპი.

დამიწერია მდივანს ვახუშტის და მოწამეცა ვარ ამისი. ქორონიკონს 381.

თუ ქალბატონებს და მხლებელთ ეყიდნოს, ისიც ასრე უნდა გარიგდეს.

ხელრთვა: კათალიკოზი.

ბეჭედი: ამილახვარი ავთანდილ

ბეჭედი: მონა ღთისა ბოქოულთუხუცესი რევაზ

ბეჭედი: მონა ღთისა ... ბეჟან

ბეჭედი: ანდუყაფარ

ბეჭედი: ბარძიმ