Dear Rodovidians, please, help us cover the costs of Rodovid.org web hosting until the end of 2025.
1448-2242
From Rodovid KA
[რედაქტირება] 1597 წ. 30.IV. - ალექსანდრე II-ის სიგელი გარეჯის წმინდა ნინოს მონასტერს - 1448-2242
"ჩუენ, შენ მიერ მტერთა ზედა და წინააღმდგომთა ძლიერმან და უძლეველმან, იესიან, დავითიან, სოლომონიან, ყოვლისა საქართველოსა მპყრობელ-მქონებელმან, შაჰნშა და შარვანჰშა მეფეთ მეფემან ალექსანდრე და საყუარელთა და პირმშოთა ძეთა ჩუენთა პატრონმან დავით, პატრონმან გიორგი და პატრონმან კონსტანტინე ესე მტკიცე და უკუნისამდი შეუცვალებელი წიგნი და გუჯარი კადრეთ და მოგახსენეთ თქვენ" დავით გარეჯის წმინდა ნინოს მონასტერს.
"გკადრეთ და მოგახსენეთ ასრე და ამა პირსა ზედა, ვითა ჩუენთა ცოდვათა მიერ და მძლავრობითა უცხო-თესლთათა, ჩუენი უხუცესი დაი პატრონი ქეთევან მოვიდა ჩუენსა სახლშიგან, ვითარცა უწყით ქრისტეანეთა ზედა მათ ღუთის-მტერთა მიერ ძლეულება და უწყალოება, მრავალი სატანჯუელი მიჰაპყრეს და თავისის მამულისაგან ექსორია ყვეს; ჩუენ ვითარცა შეჰგვანდა ხელმწიფობასა ჩუენსა ვიგულეთ და შევიტკბეთ დაი იგი ჩუენი..., მივეცით მონასტერი მეტოქი და სახიზარი თქუენი და უდაბნოსა გარეშჯისა და დავაყენეთ მონასტერსა მას შინა აკურისასა და დავანებეთ რაცა მისი შესავალი იყო, ამა წესითა ვითა სანამდის ცოცხალ იყოს ჩუენი დაი პატრონი ქეთევან, მანამდისი მას ჰქონდეს ასრე, რომე რაცა წინამძღუარს იქიმდგომსა ჰქონებოდეს და ეწამოს, ისი ჩუენმან დამან იხმაროს და ჭამოს და არა სოფელმან მისი წესი არ დაიშალოს".
"ამას გარეთად სულ-კურთხეულისა მეფის პატრონის მამის ჩუენის ლეონისაგან ორნი სიგელნი იყუნეს: ერთი მთავარას-შვილის ზურაბასაგან დაწერილი და ერთი ჰატატა ბარათასი ისრე დაგვიმტკიცებია და ნურა კაცი იმას მშლელად და შემცვალებელად ნუ ექმნების და რარიგაცა ყოფილიყოს, ისრევე ვინ-გინდავინ თორმეტ უდაბნოს მაკურთხეველი არქიმანდრიტი იყოს, მისი მეტოქი და სახიზარი იყოს და სადგომი და დიდის უდაბნოს სალარო".
"სხუა ბედნიერის პატრონის მეფის ლეონისაგან ასრე გაჩენილი იყო, რომე წინა-უკანა საგარეჯოს გამოსაღები ნახევარი მცხეთისათვის შეწირული იყო და ნახევარი უდაბნოსა გარეშჯსა. აწე ჩუენცა იმ რიგითა და წესითა დაგვიდებია, ვითა რაცა წინა-უკანა საგარეჯოს გამოსაღები იყოს, შუვა გაეყოფოდეს: ნახევარი ვინცა კათალიკოზი იყოს, იმას მიერთმოდეს და ნახევარი უდაბნოსა გარეშჯსა და მუნ მყოფთა მონაზონთა სახმარ და საზრდელ იყოს".
"დაიწერა მტკიცე და შეუცვალებელი გუჯარი ესე დასაბამითგან წელთა 7104, ქორონიკონსა 285, თუესა აპრილსა 30, მზის მოქცევასა 8, სათუალავსა მთუარისასა 24, ინდიკტიონსა 23".
"ხელმწიფე ალექსანდრე ვამტკიცებ, ნებითა ღმრთისათა. ამინ."
[რედაქტირება] 1708 წ. 11.II. - საბუთის დამტკიცება დავით II იმამყულიხანის მიერ
"ქ. ბძანებითა და შეწევნითა მღუთისათა დაუმტკიცეთ შეწირულება და გუჯარი ესე ჩვენ მღუთივ ზეცით აღმატებულმან და ღვთივ ზეცით დამყარებულმან და ღვთივ ზეცით გვირგვინისანმან, იესიან, დავითიან, სოლომონიან, პანკრატოიანმან... ძლიერისა და თვით უძლეველისა დიდისა ირანის ტახტისა და სახელმწიფოს მპყრობელ-მქონებელისა და მურთუზალის ხალიჩაზედ მჯდომისა, ხელმწიფის ბედნიერის შვილურად აღზრდილმან და მათგანვე გახელმწიფებულმან, მეფემან და თვით ხელმწიფემან პატრონმან იმამ-ყული-ხან და დედამან ჩვენმან დედოფალთ დედოფალმან პატრონმან ანნამ და ძმამან ჩვენმან სასურველმან პატრონმან მამად-ყულიმ და პატრონმან თეიმურაზ, ამა წესით გკადრეთ და დაგიმტკიცეთ ტაძარსა და უდაბნოს, საფლავსა წმინდისა დავითისასა, ასე რომე როგორათაც ძველთაგან ჩვენთა მამა-პაპათაგან, ბატონის ლევანის და ბატონის ალექსანდრესაგან შეწირული ყოფილიყოს სოფელი აკურა გუჯარითა ამით, ჟამთა შლილობით და ქვეყნის არეულობაში ოხიაყორჩს ხელი მოეკიდნა და საყმოთ დაეჭირა და სახლისკაცები რომ გაყრილ-იყუნენ მამულათ და საყმოთ გაეყოთ და მოვოდა დავით-გარეჯის წინამძღვარი ონოფრე და ეს გუჯარი მოგვიტანა და გვაჩვენა ბატონის ლევანისაგან და ბატონის ალექსანდრესაგან, ამ გუჯრით ძალიან იყო შეწირული; იმათი გუჯარი ჩვენგან არა გატყდებოდა და ოხია-ყორჩიანთ სულ ყველას ისევ ხელი ავაღებინეთ და ისევ დავანებეთ აკურა წმინდის დავითის საფლავს და იმის წინამძღვარს ონოფრეს მივაბარეთ"...
"პაპა ჩუენი ბატონი თეიმურაზ რომ იმერეთს ბძანებულა, მაშინ ერთი წიგნი ამისი ყალატათ გამოურთმევია და ერთი წიგნი ყალატათ ჩვენც თარხანმა ასლან გამოგვართვა და ისები ორივე ამ გუჯარით გაგვიცუდებია, მტკიცე ესე არს".
"დაიწერა ბძანება და ნიშანი ესე თებერვლის 11, ქორონიკონსა 396, ხელითა კარისა ჩუენისა მდივან-მწიგნობრის თუმანისშვილის შიოშისითა. ამინ".
"მეფეთ მეფე ხელმწიფე იმამ-ყულიხან ვამტკიცებ ბძანებითა მღუთისათა."
