Hd-14623

1721 წ. 6.XII. - ვალისა და გირაოს წიგნი ქაიხოსრო სოლაღაშვილისა ზურაბ რატიშვილისადმი – Hd-14623 – დედანი

1721 წ. 6 დეკემბერს სოლაღაშვილმა ქაიხოსრომ და მისმა შვილებმა ზურაბმა და ზაზამ 30 თუმანი აიღეს ვალად თავის სიძე რატიშვილი ზურაბისა და მისი შვილი დავითისაგან და გირაოდ მისცეს სოფელი ასურეთი.

1764 წლის 27 აპრილს ერეკლე მეფე აცნობებს დიმიტრი ეშიკაღაბაშს, რომ ამ თამასუქის თეთრი რატისშვილ დავითს და მის ძმებს თავისი დისათვის უჩუქებიათ და სექტემბრამდე ვადას აძლევს მანუჩარ და იორამ სოლაღაშვილებს მამულის დახსნისათვის. წინააღმდეგ შემთხვევაში მამული სარიდან მდივანბეგს და მის შვილ ბეჟანს დარჩებოდათ.